.png)
Ka përfunduar në barazim, 1-1, ndeshja mes Beneventos dhe Laacios, e vlefshme për javën e 12-të të Serisë A. Çiro Imobile shënoi një gol fantastik, me një gjuajtje të befasishme pas krosit të Milinkoviç-Saviç. Avantazhi i Lacios nuk zgjati shumë, pasi në fundin e pjesës së parë barazoi Skiatarela për Beneventon.
“Derbi” në stol mes dy vëllezërve Pipo dhe Simone Inzagi është mbyllur kështu në “paqe”. Ndoshta ata nuk kanë dashur t’i prishin punë njëri-tjetrit, por kuptohet që më shumë nga ky rezultat dëmtohet Lacio, që në kampionat nuk po e gjen dot veten dhe ka mbetur shumë prapa vendeve të kreut, në vend të 8-të me 18 pikë.
Edhe në këtë ndeshje Tomas Strakosha ka qëndruar në stol, bashkë me portierin tjetër shqiptar, Marko Alia. Ende portieri i Kombëtares nuk po kap formën optimale për të fituar konkurrencën me Reinën. Para ndeshjes foli drejtori sportiv i Lacios, Igli Tare, i cili theksoi se skuadra po has vështirësi në kampionat dhe duhet të ketë më shumë ekuilibër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje