.png)
Gazeta Si – Një sulm ajror rus shkatërroi një spital në Mariupol me reparte materniteti dhe pediatrie. Kreu i administratës ushtarake rajonale të Donjeckut, Pavlo Kyrylenko, i cituar nga Ukrinform, raportoi në Facebook, duke treguar imazhet e mbeturinave në një video.
Bombardimi ka ndodhur rreth orës 15:30, ndërkohë që ende po bëhej përpjekje për evakuimin e civilëve përmes korridorit humanitar. Në shënjestër ishte materniteti dhe gjinekologjia.
Mariupol. Direct strike of Russian troops at the maternity hospital. People, children are under the wreckage. Atrocity! How much longer will the world be an accomplice ignoring terror? Close the sky right now! Stop the killings! You have power but you seem to be losing humanity. pic.twitter.com/FoaNdbKH5k
— Володимир Зеленський (@ZelenskyyUa) March 9, 2022
Edhe presidenti ukrainas, Volodymyr Zelensky ka reaguar pas lajmeve se një spital për fëmijë në Mariupol është shkatërruar plotësisht si pasojë e bombardimeve ruse. Nëpërmjet një postimi në Twitter, ai pretendoi se fëmijët janë bllokuar nën rrënoja.
“Edhe sa kohë do të jetë bota një bashkëpunëtor që injoron terrorin? Mbyllni qiellin tani! Ndaloni vrasjet”, shkroi Zelensky.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje