.png)
Gazeta Si – Ramzan Kadirov ndihet i qetë mes të vdekurve dhe është edhe më rehat përkrah Vladimir Putinit.
Ai do të bënte gjithçka për “Carin e Ri”, ndaj dhe diktatori çeçen ka zbarkuar në Ukrainë orët e fundit. Nuk ka asnjë konfirmim, por duket e besueshme sipas raporteve të shërbimeve të inteligjencës që i referohen mediat ndërkombëtare.
Lideri u shfaq në një video në kanalin Telegram në rolin e një prezantuesi. I veshur me uniformë kamuflazhi, gati për të diskutuar lëvizjet e radhës me komandantët e njësive të dislokuara në zonën e Gostomelit, në veri të Kievit.
“Ditën tjetër ishim rreth 20 kilometra nga ju, nazistët, tani jemi edhe më afër”, tha ai duke iu kërkuar armiqve të dorëzohen, në të kundërt, “do t’ju mbarojmë”.
Pas tij, ndodhej një flamur me fytyrën e babait të Ramzanit, Akhmedit, i cili vdiq në një sulm në vitin 2004 dhe rreth të cilit është krijuar një kult personaliteti.
Chechen TV reports Kadyrov is in Ukraine with his special forces which he instructs to kidnap children. Ukrainian intel also is reporting they are looking for Kadyrov. Hope they catch Kadyrov who is a war criminal and terrorist
— Olga Lautman 🇺🇦 (@OlgaNYC1211) March 13, 2022
pic.twitter.com/4M9tvnjtii
Lufta ka një rol të dyfishtë, operacional dhe propagandistik. E para lidhej me presionin e forcave ruse në drejtim të kryeqytetit, i cili u avancua i penguar nga rezistenca. E dyta, shërben për të motivuar ithtarët pas humbjeve që kanë pësuar në javët e fundit.
Kadirov, në këtë krizë ka ndjekur një shëmbëlltyrë ngjitëse. Në fillim të operacionit special, ai mori pjesë në një tubim në shesh me dhjetëra njësi, “kadyrovtsky”, një shfaqje për të shoqëruar lajmin e dërgimit të 10 mijë burrave në krah të ushtrisë.
Më pas dolën imazhet e një kolone ushtarësh çeçenë, duke konfirmuar gjithmonë një angazhim të drejtpërdrejtë. Jo pa surpriza.
Një repart i tij, ka pasur dhjetëra vdekje pas sulmit me dron TB2 (prodhimi turk) dhe sulmit nga forcat speciale lokale. Një informacion i mohuar në të gjithë bordin nga regjimi pro-rus.
Vetë Kadirov ka deklaruar gjithashtu se është i gatshëm, nëse është e nevojshme, të mobilizojë 70 mijë elementë.
Çeçenët kanë qenë gjithashtu të lidhur me plane të dyshuara klandestine për të vrarë presidentin ukrainas Zelenskij dhe për të kapur udhëheqës të tjerë.
Ekipet e Kadirovit, u tha gjithashtu se kishin fotografi që përshkruanin të kërkuarit, një imitim i asaj që bënë amerikanët kur gjuanin hierarkët e Sadamit në Irak.
Ndoshta ky është vetëm një “thashethem”, një legjendë që shoqëron një personazh gjakatar, por që nuk e ndryshon thelbin: kur Moska thërret despotin, ai përgjigjet.
Këtë e ka bërë tashmë në Siri, ku patrullat e policisë ushtarake çeçene janë punësuar në kontrollin e zonave të pushtuara.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje