.png)
Interi “fluturon” në kampionat. Pas fitores 1-0 ndaj Napolit, skuadra e Kontes është vetëm 1 pikë pas Milanit, që barazoi 2-2 në fushën e Xhenoas. Në javën e 12-të të Serisë A, Interi mposhti me një penallti Napolin, duke regjistruar kështu fitoren e 5-të radhazi.
Sfida e luajtur në “San Siro” ishte më tepër taktike gjatë pjesës së parë, me pak raste. Në të dytën, portieri Handanoviç nuk lejoi prekjen e rrjetës në të paktën 3 raste, ndërsa sulmuesi Lukaku realizoi me penallti golin e vetëm të ndeshjes nga pika e bardhë e penalltisë të fituar nga Darmian.
Insinje u ndëshkua me karton të kuq gati 20 minuta para fundit pas një debati me arbitrin. Ndëshkimi i tij se shkaktoi irritim te trajneri Gatuzo. Napoli ishte edhe pa fat në këtë ndeshje, ku Petanja goditi shtyllën në shtesë. Elseid Hysaj ishte gjithë kohën në stol për Napolin.
Milani kryeson me 28 pikë, por tani ndjen kërcënimin e Interit, që është 1 pikë më pak. Skuadra kuqezi reagoi mirë ndaj Xhenoas, ku u gjend dy herë në disavantazh dhe dy herë arriti të barazonte me mbrojtësit Kalabria dhe Kalulu. Milani nuk vuan për të gjetur golin, por tashmë trajnerin Pioli kanë filluar ta shqetësojnë golat e pësuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje