.png)
Dy gola të Federiko Kiezës dhe një i MekKenit i kanë dhënë fitoren Juventusit në “San Siro”. Është mbyllur 1-3 ndeshja e fundit e javës së 16-të në Serinë A. Milani arriti të barazonte përkohësisht me Kalabrian në fundin e pjesës së parë. Kuqezinjtë gjithsesi ruajnë kryesimin me 37 pikë, ndërsa Juventusi ka 7 pikë më pak, por edhe një ndeshje më pak.
Juventusi ka treguar dhëmbët në Milano. Me këtë fitore, bardhezinjtë e drejtuar nga trajneri Andrea Pirlo kanë vërtetuar se janë aty, plotësisht në garë për titullin kampion, kurse Milani nuk mundi të përfitonte nga humbja e Interit. Pa Ibrahimoviç, Benaser dhe Rebiç, skuadra e Piolit e kishte të pamundur të përballonte Juventusin, duke u mundur në kampionat pas 27 ndeshjesh dhe 304 ditësh.
Njeriu i ndeshjes është Federiko Kieza, autor i dy golave dhe një shtylle. Ai zhbllokoi rezultatin pas një pasimi me finte të Dibalës. Kalabria, që luajti në mesfushë për shkak të mungesave, barazoi shifrat pas një pasimi të Leaos. Në pjesën e dytë, me ndërrimet e bëra nga trajneri Pirlo, Juventusi shënoi dy herë, së pari me Kiezën e më aps me Mekkenin.
MILAN-JUVENTUS 1-3
Milan: Donaruma, Dalot (Konti), Kjaer (Kalulu), Romanjoli, Hernandez, Kalabria (D.Maldini), Kesi, Kastilejo, Çalhanoglu, Hauge (Brahim Diaz), Leao.
Juventusi: Sshezni, Danilo, Bonuçi, De Ligt, Frabota (Demiral), Kiesa (Kulusevski), Bentankur (Artur), Rabiot, Ramsei (Bernardeski), Dibala (Mekkenni), Ronaldo.
Shënues: Kalabria 41’ / Kieza 18′, 62′, Mekkeni 76’
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje