.png)
Milani ka reaguar menjëherë pas humbjes me Juventusin. Kuqezinjtë kanë mundur 2-0 Torinon në “San Siro” dhe janë shkëputur përkohësisht 4 pikë nga Interi, që luan të dielën ndeshjen e radhës me Romën në transfertë. Skuadra e trajnerit Stefano Pioli e zgjidhi ndeshjen që në pjesën e parë, me golat e Leaos dhe Kesi.
Me Ibrahimoviç dhe Çalhanoglu në stol, por edhe disa mungesa të tjera, si Benaser dhe Rebiç, Milani nuk pati vështirësi ndaj Torinos. Sulmuesi suedez, i rikthyer në skuadër pas një mungese të gjatë, luajti pak minuta në fundin e ndeshjes. Ai pritet t’i shërbejë skuadrës në vazhdim me ekpseriencën e tij.
Leao zhbllokoi shifrat pas një kombinimi të shpejtë me Hernandez dhe Diaz. Më pas dyfishoi shifrat Kesi me penallti. Në pjesën e dytë Milani e administroi mirë lojën, duke mos e vënë në diskutim rezultatin. Kuqezinjtë kryesues janë ngjitur në kuotën e 40 pikëve.
Në dy ndeshjet e tjera të Serisë A, Atalanta e Berat Gjimshitit, këtë herë në stol për t’u çlodhur, fitoi 1-4 në fushën e Beneventos, duke u ngjitur në vend të 4-t, me 31 pikë, kurse Xhenoa mundi 2-0 Bolonjën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje