.png)
Pas fitores në Gjeorgji, Kosova pritej të bënte të njëjtën gjë edhe në stadiumin “Fadil Vokrri”, ku mori vetëm 1 pikë ndaj Greqisë. Ka përfunduar në barazim 1-1 kjo ndeshje emocionuese, me një fund drithërues. Në kohën shtesë Vedat Muriqi arriti të barazonte me kokë dhe t’i jepte 1 pikë Kosovës.
Bytyqi ➡️ Hadergjonaj ➡️ Muriqi ➡️ ⚽️
— Kosovars Abroad (@KosovarsAbroad) September 5, 2021
Muriqi’s late equaliser means that Kosovo seals their first @FIFAWorldCup qualifier point at home 😍#KOSGRE #Muriqi
pic.twitter.com/2ieq753LcE
Greqia kishte shënuar që në pjesën e parë me Douvikas dhe ishte shumë pranë fitores në Prishtinë. Dardanët nuk u dorëzuan dhe arritën të bërazonin, duke u ngjitur në kuotën e 4 pikëve pas 4 ndeshjesh në Grupin B. Përpara Kosovës janë vetëm Spanja dhe Suedia, ndërsa Greqia dhe Gjeorgjia janë më poshtë në renditje.
Nga ndeshje e sotme kualifikuese të Botërorit, mund të veçohen fitoret bindëse të Anglisë dhe Polonisë, dy kundërshtarëve të Shqipërisë në Grupin I. Anglia mundi 4-0 Andorrën, kurse Polonia fitoi 1-7 në San Marino. Ka fituar thellë edhe Gjermania, që shënoi plot 6 herë ndaj Armenisë.
Italia, kampione e freskët e Europës, ka barazuar përsëri, këtë herë në fushën e Zvicrës, me rezultatin 0-0. Edhe këtë herë, ashtu si në barazimin e pak ditëve më parë me Bullgarinë në shtëpi (1-1), “axurrët” kanë vuajtur në sulm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje