.png)
Drejtuesit e Apolonisë kanë kontestuar gjykimin e ndeshjes me Kukësin në fundjavë, sepse sipas tyre ndikoi në rezultat. Skuadra fierake u mund 1-0 në atë ndeshje, ku goli i vetëm u shënua pas një gabimi absurd të arbitrit shkodran Indrit Myrtja dhe ndihmësve të tij.
Nga pamjet filmike duket qartë se ka një rivënie anësore në favor të Apolonisë në mesin e fushës. Çuditërisht, arbitri e akordon atë në favor të Kukësit, që nis shpejt aksionin dhe e përfundon me gol, duke lënë të shtangur futbollistët e Apolonisë, të cilët kanë protestuar që në fillim. Një gabim trashanik, që ndoshta tregon edhe nivelin e gjykimit në futbollin shqiptar. Një gabim që ndikon drejtpërdrejt në rezultatin e ndeshjes.
Sektori përkatës në FSHF mund të dënojë arbitrat që gabuan, por Apolonisë ai gabim i pakuptimtë mund t’i kushtojë shtrenjtë. Kryesori Myrtja dhe asistentët e tij mund të qëndrojnë ndonjë javë pushim, siç veprohet në të tilla raste, por kjo nuk është zgjidhja për përmirësimin e nivelit të gjykimit. Edhe pse jemi ende në javët e para të sezonit, kontestimet ndaj gjykimit janë të shumta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje