.png)
Gjithçka e lehtë për Juventusin në Parma, rezultati 0-4 flet vetë. Nuk iu desh të djersinin shumë lojtarëve të drejtuar nga trajneri Andrea Pirlo në këtë transfertë, ku Kulusevski zhbllokoi shifrat dhe 3 minuta pas tij Ronaldo dyfishoi rezultatin, duke prerë shpresat e Parmës për të marrë pikë ndaj kampionëve në fuqi të Italisë.
Me fillimin e pjesës së dytë, Kristiano Ronaldo realizoi edhe golin e tretë dhe të dytin personal. Pesë minuta para fundit gjeti rrugën e rrjetës edhe sulmuesi tjetër bardhezi, spanjolli Alvaro Morata.
Me këtë fitore bindëse, Juventusi i afrohet kreut me 1 pikë. Bardhezinjtë barazojnë Interin e vendit të dytë në kuotën e 27 pikëve, por me një ndeshje më shumë. Në dy ndeshjet e tjera të Serisë A, Fiorentina barazoi 1-1 me Veronën, kurse Sampdoria mundi 3-1 Krotonen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje