.png)
Vjen edhe goli numër 9 në kampionatin holandez për sulmuesin e Kombëtares, Armando Broja. Futbollisti kuqezi ishte protagonist në fitoren 4-1 të Viteshes kundër Venlo, duke dhënë asistin e golit të parë dhe duke shënuar golin e 4-t për skuadrën e tij në këtë ndeshje.
Broja është huazuar nga Çelsi te Viteshe dhe shifrat flasin qartë se ai është një lojtar i denjë për klubin londinez. Aktivizimi i rregullt në Holandë po e ndihmon sulmuesin 19-vjeçar të rritet dhe të fitojë përvojën e duhur për të qenë gati për shansin e madh me Çelsin.
Broja goal 👏
— DonkeysOut (@CarvalhoJTElite) February 27, 2021
pic.twitter.com/K1h1s2WHAY
Forma e mirë e Brojës sigurisht që gëzon edhe trajnerin e Kombëtares, Edi Reja, i cili e ka aktivizuar sulmuesin në Ligën e Kombeve, madje edhe si titullar. Në fakt, të gjithë sulmuesit kuqezinj po kalojnë një formë të mirë dhe golat duken të garantuar për Kombëtaren në ndeshjet e muajit mars, të vlefshme për kualifikueset e Botërorit 2022.
Armando Broja po e shfrytëzon në mënyrën më të mirë huazimin në kampionatin holandez, duke “folur” mbi të gjitha me gola dhe 9 të shënuar deri tani nuk janë pak për një 19-vjeçar. Viteshe mban vendin e 4-t, me 45 pikë. Fitorja ndaj Venlo ishte mjaft e rëndësishme, pasi vjen pas 3 humbjeve radhazi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje