.png)
Gazeta Si – Një djalë 15-vjeçar humbi jetën dhe tre persona të tjerë u plagosën, duke përfshirë një oficer policie.
Ky është bilanci i përkohshëm nga të shtënat në Uashington DC, në një zonë që konsiderohet zemra afrikano-amerikane e kryeqytetit plot me restorante, bare dhe dyqane.
Të shtënat u raportuan në një kryqëzim, një distancë e shkurtër nga eventi i tretë vjetor i Moechella, një ngjarje në gjysmë të rrugës midis një koncerti dhe një demonstrimi të aktivizmit social.
#DCSHOOTING #MOECHELLA pic.twitter.com/FXWg2eWRjK
— Stanley E Wilson (@SEWINNOVATIVE) June 20, 2022
Sipas policisë, gjatë mbrëmjes kishin nisur një sërë përleshjesh dhe incidentesh, me kaosin e krijuar nga shpërndarja e njerëzve të pranishëm në një koncert.
Autoritetet kishin vendosur kështu t’i jepnin fund ngjarjes për arsye sigurie. Disa njerëz u plagosën gjatë nxitimit të tyre për t’u larguar nga zona dhe u ndihmuan nga siguria publike kur ndodhën të shtënat.
Incidentet ndodhën mes orës 18:30 dhe 20:30 me orën lokale. Në vendngjarje u gjet një armë, por jo arma e zjarrit e cila dyshohet se ka shkaktuar vdekjen e djalit dhe tre të plagosurve.
Asnjë oficer policie nuk ka qëlluar dhe nuk ka pasur të shtëna me armë prej tyre, thonë autoritetet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje