.png)
Teuta duket se është ende me pushime, sidomos mbrojtësit e saj. Kampionët e Shqipërisë janë turpëruar në ndeshjen e parë të turit të parë eliminator të Ligës së Kampionëve, ku kanë humbur thellë, 0-4. Durrsakët nuk kanë mundur të bëjnë asgjë përballë Sherif Tiraspolit, kampionëve të Moldavisë, duke prerë shpresat për kualifikim.
Skuadra moldave e pati më të lehtë sesa mund të kishte menduar ndeshjen në Durrës. Luvanor shënoi dy gola që në pjesën e parë për miqtë, duke përfituar nga përgjumja e mbrojtjes së Teutës, ndërkohë që për golin e parë pati edhe pretendime për pozicion jashtë loje nga durrsakët.
Në pjesën e dytë Traore realizoi një gol të bukur nga jashtë zonës, duke trefishuar rezultatin. Një minutë para fundit të ndeshjes, Kastaneda vulosi rezultatin në 0-4.
Teutën nuk e ndihmuan as përforcimet nga Kombëtarja, Taulant Seferi dhe Sherif Kallaku, të dy titullarë në “Niko Dovana”. As ndërrimet e bëra nga trajneri Martini nuk bënë të mundur shënimin e të paktën një goli, atij të nderit. Me këtë rezultat, durrsakët e kanë të pamundur kalimin e turit të parë dhe ndeshja e kthimit do të jetë formalitet.
Ishte humbja e dytë e skuadrave shqiptare në Europë, pas asaj të Laçit ndaj Podgorisës në Ligën e Konferencës. Në këtë kompeticion marrin pjesë edhe Partizani e Vllaznia, që luajnë nesër ndeshjet e tyre të para.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje