.png)
Me tre gola të shënuar në pjesën e dytë, Teuta i ka dhënë një tjetër tronditje të fortë Kukësit, ku me sa duket, nuk ka faj vetëm trajneri Skënder Gega, i cili dha dorëheqjen pak ditë më parë. Me Rrahman Hallaçin në stol, skuadra veriore është mundur keq në Elbasan, por drejtuesit e saj kanë rezerva të mëdha për gjykimin, teksa pretendojnë për dy penallti të mohuara, kur rezultati ishte 0-0.
Emiljano Vila, Dejvi Bregu dhe Lorenco Vila janë autorët e golave për Teutën e drejtuar nga trajneri Edi Martini. Durrsakët kanë marrë vendin e dytë, me 20 pikë, duke parakaluar Partizanin dhe duke qenë 6 pikë pas Vllaznisë kryesuese. Tashmë mund të thuhet pa frikë se ata janë kandidatë për titullin kampion. Trajneri Martini theksoi pas fitores së sotme se skuadra e tij ka bërë gjithmonë lojën, por rezultatet nuk përputhen me atë që të tijtë kanë dhënë në fushë.
Për Kukësin situata komplikohet edhe më tepër. Ndoshta drejtuesit mund të marrin masa për futbollistët, ndërsa Hallaçi, të cilit iu besua pas ikjes së Gegës, zvogëlon shanset për të qëndruar në stolin e skuadrës verilindore. Kuksianët janë tashmë 9 pikë larg kreut dhe kanë vështirësi të mëdha në lojë, sidomos në mbrojtje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje