.png)
Ashtu siç ishte parashikuar, transfertat e kësaj jave kanë rezultuar mjaft të vështira për skuadrat kryesuese në Superiore. Vllaznia është mundur 1-0 në Laç, Kukësi ka humbur me të njëjtin rezultat ndaj Kastriotit dhe Tirana nuk ka shkuar më shumë se barazimi në Korçë.
Një gol i shënuar nga Redon Xhixha një minutë para fundit të ndeshjes ka bërë që Vllaznia të dalë e mundur nga fusha e Laçit. Një humbje që gjithsesi e mban në vend të parë skuadrën shkodrane, sepse edhe Kukësi i vendit të dytë është mundur sot. Serinë e fitoreve të skuadrës së Gegës e ka prishur Kastrioti, që me një gol të Bardhit në pjesën e parë ka kthyer me “këmbë në tokë” verilindorët.
Në Korçë, Skënderbeu dhe Tirana kanë barazuar 1-1. Korçarët ndëshkuan kampionët në fuqi me anë të një kundërsulmi të shpejtë, të finalizuar nga Mara. Në pjesën e dytë, Tirana kishte kontrollin e lojës, ndërkohë që mbeti me 10 vetë, pasi Ismajgeci u ndëshkua me karton të kuq për një goditje pa top të kundërshtarit. Megjithatë, Batha goditi shtyllën dhe pastaj barazoi shifrat dhe kryeqytetasit krijuan edhe disa mundësi të tjera shënimi, ashtu si dhe Skënderbeu, por rezultati nuk ndryshoi edhe pas 5 minutash shtesë.
Ka fituar sot edhe Teuta. Durrsakët triumfuan në Fier ndaj Apolonisë vendëse, falë një goli të Lorenco Vilës që në pjesën e parë. Teuta i jep fund kështu serisë së gjatë të barazimeve, ndërsa Apolonia mbetet në vend të fundit.
Superiore, java e 9-të
Apolonia-Teuta 0-1
Kastrioti-Kukësi 1-0
Laçi-Vllaznia 1-0
Skënderbeu-Tirana 1-1
Ora 16:45
Partizani-Bylis
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje