.png)
Një gol i Hoxhallarit kur kishin mbetur edhe pak më shumë se 10 minuta lojë i ka dhënë Tiranës një fitore shumë të rëndësishme dhe njëkohësisht ka shkaktuar tension të madh në stadiumin “Selman Stërmasi, me drejtuesit e Kastriotit që i kanë kërkuar skuadrës të tërhiqet nga loja disa minuta.
Në momentin që lojtari i Tiranës shënoi, një lojtar i ekipit krutan ishte i shtrirë në fushë. Mungesa e “fair play”-it nga lojtarët e Tiranës ka sjellë reagimin e fuqishëm të krutanëve, në fushë nga ekipit dhe trajneri Ndreu, si dhe në stol. Në atë moment lojtarët e Kastriotit janë grumbulluar pranë stolit krutan dhe vetëm pas disa minutash kanë rinisur lojën.
Tension ka pasur edhe nga drejtuesit e ekipit mik dhe është dashur ndërhyrja e policisë për normalizimin e situatës për zhvillimin e minutave të fundit të ndeshjes. Tirana me këtë fitore afrohet me një 1 pikë pas Vllaznisë së vendit të 4-t.
Laçi ka fituar 0-1 në Fier ndaj Apolonisë, falë një goli të Emiljano Mustës. Skuadra e Shpëtim Duros ngjitet tashmë në vend të tretë, duke shtuar shanset për të shkuar në Kupat e Europës edhe këtë sezon.
Superiore, java e 32-të
Sot
Tirana-Kastrioti 1-0
Apolonia-Laçi 0-1
Skënderbeu-Partizani
Teuta-Bylis
Të premten
Kukësi-Vllaznia 3-1
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje