.png)
Tre gola për tri pikë. Tirana nuk mund të gabonte në “Selman Stërmasi” përballë Apolonisë, që ka rezistuar gjatë 45 minutave të para pa pësuar gol. Sapo ka nisur pjesë e dytë, kampionët zhbllokuan shifrat me anë të Ismajlgecit, pas një veprimi të bukur të Muçit në zonë.
Idriz Batha realizoi golin e dytë për Tiranën, ndërsa Ernest Muçi “vulosi” fitoren e bardhebluve, që tashmë i janë afruar kreut të renditjes, pas atij fillimi shumë të dobët. Në 2 ndeshjet e fundit Tirana ka marrë 6 pikë, aq sa kishte marrë në 6 javët e mëparshme.
Skuadra e Dedes është ngjitur në kuotën e 12 pikëve dhe ka përpara Vllazninë, Partizanin dhe Kukësin. Fitorja e sotme ka vlera të mëdha për vazhdimësinë për kampionët në fuqi.
Ndeshja tjetër e zhvilluar në orën 13:45 ishte ajo mes Bylisit dhe Kastriotit, ku ballshiotët kanë fituar 2-1. Ata e kanë nisur lojën shumë mirë, duke shënuar 2 gola me Ndrecën dhe Mehmetllarin, pas gabimeve të krutanëve në mbrojtje. Kastrioti arriti të shënonte vetëm golin e nderit në këtë sfidë, duke pësuar kështu humbjen e dytë radhazi, pas asaj me Vllazninë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje