.png)
Dhjetë milionë kontakte: një video dy minuta, e bërë nga një avokat dhe gazetar australian, Peter Stefanoviç, mbi paraqitjen e të dhënave të pasakta nga kryeministri Boris Johnson në Parlament, është bërë virale.
E publikuar në gusht të vitit të kaluar, pamjet janë shpërndarë qindra mijëra herë në platformat Facebook, Twitter dhe Instagram.
Nga shkurtimet e emisioneve, te rritja ekonomike, nga pagat e infermierëve, te shpenzimet e kujdesit shëndetësor, nga varfëria në Mbretërinë e Bashkuar, te aplikacioni për gjurmimin e Covid 19: Stefanoviç përdori shifrat e dhëna publikisht nga qeveria dhe agjencitë e saj, për të provuar se kryeministri gënjeu në Dhomën e Komunëve.
Gënjeshtra apo gabime? Stefanoviç nuk ka dyshime. “Ne kemi arritur në një pikë, ku reputacioni i institucioneve tona po prishet nga një kryeministër që nuk mund të thotë të vërtetën”.
Sipas kodit ministror, kushdo që paraqet një të dhënë të gabuar në Parlament, ka për detyrë t’i korrigjojë shpejt. Ministri që mashtron ose çorienton Parlamentin, është i detyruar të japë dorëheqjen.
“Kryeministri nga ana tjetër, – nënvizoi Stefanoviç, – duket se ka adoptuar një qëndrim që ka kapërcyer kufijtë e realitetit. Meqenëse këto fakte nuk janë korrigjuar, ato hyjnë në procesverbalin e Parlamentit (regjistrat Hansard). Nuk është e drejtë, apo jo?”.
Fushata e Stefanoviç, për një vëzhgim më të ashpër se fjalët e kryeministrit, nuk është e vetmja në progres.
Peter Oborne, ish-gazetar i “Daily Telegraph”, autor i librave të tillë si, “The rise of Political Lying” dhe “The Assault on the Truth”, rregullisht i dërgon Parlamentit një listë të gjatë të gabimeve të gjetura në fjalimet e kryeministrit dhe ministrave, por asnjëherë nuk ka marrë një përgjigje deri më tani.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje