.png)
Gazeta Si – Numri i civilëve të vrarë gjatë pushtimit rus të Ukrainës po rritet dita ditës. Të hënën në mëngjes, presidenti ukrainas Volodimir Zelenskij raportoi “16 fëmijë që vdiqën në katër ditë dhe 45 u plagosën”.
Sipas Kombeve të Bashkuara, “të paktën 102 civilë, përfshirë shtatë fëmijë, janë vrarë që nga e enjtja”, ditën kur filloi pushtimi rus. “Ndërsa të lënduarit janë 304”, duke sqaruar se numri real i të vdekurve mund të jetë shumë më i lartë.
“Shumica e këtyre civilëve u vranë nga armë shpërthyese me rreze të gjerë, duke përfshirë zjarr të rëndë të artilerisë, raketahedhës dhe sulme ajrore. Shifrat aktuale, kam frikë se janë shumë më të larta”, tha Komisionerja e Lartë e Kombeve të Bashkuara për të Drejtat e Njeriut, Michelle Bachelet, në hapjen e mbledhjes së Këshillit të të Drejtave të Njeriut në Gjenevë.
Të dielën në mbrëmje, Ministria e Shëndetësisë e Kievit raportoi mbi 1600 të plagosur dhe të paktën 352 viktima ukrainase, shumica e tyre ende të paidentifikuar.
Alisa, e cila vdiq në sulmin në kopshtin e fëmijëve Okhtyrka
Mes tyre edhe Alisa Hlans, e cila për tre muaj do të kishte mbushur tetë vjeç. Vajza e vogël vdiq në sulmin në kopshtin Okhtyrka, e goditur nga një raketë që përmbante bomba thërrmuese të premten e kaluar, në ditën e dytë të pushtimit (bombat thërrmuese – kujton Amnesty International – janë të ndaluara nga konventa e Kombeve të Bashkuara me të njëjtin emër të vitit 2008 , të cilës nuk iu bashkuan as Rusia dhe as Ukraina).
E plagosur rëndë së bashku me persona të tjerë, vajza e vogël u dërgua në spital ku ndërroi jetë të shtunën, siç njoftoi Prokurorja e Përgjithshme e Ukrainës, Irina Venediktova, me një mesazh në Facebook, shoqëruar me një ftesë: “Kemi nevojë për paqe”.
Në pjesën lindore të vendit, shkollat u mbyllën më 21 shkurt, pasi luftimet u intensifikuan, duke lënë rreth 350,000 fëmijë pa akses në arsim, raportoi sot një raport i organizatës “Save The Children”.
Në zona të tjera, ku shkollat janë ende të hapura, disa prindër po i dërgojnë fëmijët e tyre në shkollë me ngjitëse të grupit të gjakut në krahë, sepse kanë frikë se mund të lëndohen.
Polina ishte në makinë me gjyshërit e saj
Mes viktimave të identifikuara – siç raportohet nga BBC – ishte Polina e vogël, e cila po ndiqte vitin e fundit të shkollës fillore në Kiev. Sipas autoriteteve lokale, ajo dhe prindërit e saj u qëlluan për vdekje në rrugë: ata u gjetën me makinën e tyre në mes të një prej bastisjeve të shumta të forcave speciale ruse në kryeqytetin ukrainas me qëllim të sabotimit të qendrave nevralgjike dhe identifikimin e objektivave për t’u goditur me sulme ajrore dhe raketore.
Vëllai dhe motra u dërguan në spital: i pari është shtruar në Okhmatdyt, i dyti është më i rëndë dhe është në terapi intensive. Vladimir Bondarenko, nënkryetar i Bashkisë së Kievit, bëri fotografinë e vajzës së vogël.
Djali me biçikletë, mësuesit, familja
Një valë mortajash ose një raketë e lëshuar nga pozicionet ruse vrau gjithashtu – sipas BBC – një djalë (ende i paidentifikuar, i cili po lëvizte me biçikletë në qytetin ukrainas të Chuhuiv, në rajonin lindor të Kharkiv, jo shumë larg kufirit rus. Dhe më 25 shkurt në Gorlovka, në Ukrainën lindore, dy mësues humbën jetën nga një raketë që goditi një shkollë, raportoi “Save The Children”.
“Jemi në ditën e pestë të luftës së përgjakshme, çnjerëzore dhe mizore”, vuri në dukje Sviatoslav Shevchuk, kryepeshkop i Kievit, duke denoncuar ata që vendosën “fëmijët dhe gratë në tanke për t’i bërë ata një mburojë njerëzore”.
Pesë anëtarë të së njëjtës familje vdiqën në Ukrainën jugore në ditën e parë të luftës, kur trupat ruse u futën në qytetin Kherson nga Krimea. Detajet e sulmit u zbuluan për herë të parë nga kreu i policisë ukrainase, Jevhen Zhukov: familja – sipas asaj që mësohet – ishte përpjekur t’i shpëtonte avancimit me dy makina, duke mos arritur – megjithatë – t’i shpëtonte zjarrit të armikut afër Nova Kakhovk. Mes tyre një vajzë 6-vjeçare, Sofia; një fëmijë disa javësh, Ivan; dy gjyshërit dhe një grua me emrin Irina.
A real hell is going on in #Kharkov. There are civilians killed. pic.twitter.com/g7atBwgEbK
— NEXTA (@nexta_tv) February 28, 2022
Viktimat në ditën e negociatave
As aktiviteti ushtarak rus nuk u ndal në ditën e negociatave: pas bombardimit të Severodonetsk, një person u vra dhe dy u plagosën, siç raportoi në Facebook kreu i administratës shtetërore rajonale të Luhansk, Serhiy Haidai.
Viktima ishte 64 vjeç dhe u vra nga një goditje direkte. Rëndë janë edhe dy të plagosurit e goditur nga predha, shkruan Haidai, duke theksuar se është goditur edhe gazsjellësi i qytetit.
Të paktën 11 civilë u vranë më pas në bombardimet e artilerisë së rëndë ruse në Kharkiv, siç u komunikua nga guvernatori rajonal, duke shtuar se dhjetëra të tjerë u plagosën. “Armiku rus po bombardon zonat e banuara”, ka shkruar Oleg Sinegubov në Telegram.
Kharkiv.
— Illia Ponomarenko (@IAPonomarenko) February 28, 2022
Russian BM-21 Grad liberate Ukrainians from their lives and properties pic.twitter.com/dnm19eweXz
I prekur është edhe komuniteti grek
Në dy fshatra jo shumë larg kufirit rus në Ukrainën juglindore, popullsia etnike greke e vendit u godit gjithashtu nga tragjedia e luftës. Të shtunën, kryeministri grek, Kyriakos Mitsotakis foli me “trishtim dhe zemërim” për vdekjen e 10 civilëve me origjinë greke të vrarë nga sulmet ajrore ruse pranë qytetit-port të Mariupolit.
Dy fshatra u prekën: Sartana, në periferi të Mariupolit, dhe Buhasl, rreth 65 kilometra në veri. Greqia, në një shënim, “dënon pa mëdyshje sulmet e vazhdueshme kundër civilëve” dhe “i kërkon Federatës Ruse të ndalojë menjëherë sulmet ajrore dhe të gjitha veprimet kundër civilëve”.
Ambasada ruse në Athinë fajësoi forcat ukrainase për sulmin, duke argumentuar se “operacionet speciale ushtarake” të Rusisë kishin në shënjestër vetëm njësitë ushtarake dhe infrastrukturën.
Russia deliberately bombs settlement in Kharkov #UkraineRussiaWar #Kharkov pic.twitter.com/xO6hH6VjmA
— Diana 🇺🇦 (@dianagumarova) February 28, 2022
Të vdekur mes ushtarëve rusë
Mbi 5.000 ushtarë rusë u vranë në katër ditët e para të luftimeve, njoftoi sot Ministria e Mbrojtjes e Kievit, sipas BBC.
Në një deklaratë të postuar në Facebook, zyrtarët ukrainas thanë se rreth 5,300 ushtarë rusë u vranë. Më tej, “191 tanke dhe 816 transportues të blinduar u shkatërruan nga forcat ukrainase, të cilat gjithashtu rrëzuan 29 avionë luftarakë rusë dhe 29 helikopterë”.
Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje