.png)
Gazeta Si – Në Tajvan, ministria e Mbrojtjes e Taipeit, tha në një deklaratë se kishte zbuluar një avion dhe tre anije detare kineze në ujërat përreth ishullit në 24 orët e fundit.
Një lëvizje kjo e shënuar në ditën kur presidentja Tsai Ing-ëen u takua në Los Anxhelos Kryetarin e Dhomës së Përfaqësuesve të SHBA-së, Kevin McCarthy.
E njëjta ministri, të mërkurën vonë në mbrëmje, tha se aeroplanmbajtësja kineze Shandong kaloi Kanalin Bashi dhe ujërat në juglindje të Tajvanit, duke demonstruar – sipas mediave të Pekinit – se ishte “plotësisht gati për operacione në det të hapur dhe për të mbrojtur sovranitetin kombëtar dhe integritetin territorial të Kinës”.
Ndërkohë, Kina po kërkon nga Shtetet e Bashkuara të ndalojnë “ndërhyrjen e rëndë” në ato që konsiderohen “çështjet e brendshme” të Pekinit, duke paralajmëruar se Ushtria Çlirimtare Popullore, e cila “ruan gjithmonë një nivel të lartë gatishmërie, do të mbrojë me vendosmëri sovranitetin kombëtar dhe integritetin territorial”, duke ruajtur me vendosmëri paqen dhe stabilitetin në ngushticën e Tajvanit”.
Qëndrimi i Ministrisë së Mbrojtjes, ndër ato të ndryshme në nivel institucional të përhapur nga Pekini për këtë çështje, është përgjigja e qartë dhe emergjente ndaj takimit të zhvilluar në Kaliforni mes presidentes së Tajvanit Tsai Ing-ëen dhe kryetarit të Dhomës së SHBA-së, Kevin McCarthy.
Gjatë vizitës së saj në SHBA, në një konferencë të përbashkët për shtyp, zyrtari i lartë amerikan tha se është besimplotë se do të gjenden mënyra për popullin e Amerikës dhe të Tajvanit që të punojmë së bashku për të mbështetur lirinë ekonomike, demokracinë, paqen dhe stabilitetin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje