.png)
Gazeta Si – Një 35-vjeçar nga Fieri ka tentuar që të vjedhë një makinë tip “Range Rover” në Vlorë. Ngjarja ka ndodhur në Lungomare pranë një marketi, ku shoferja ka lënë makinën ndezur dhe me bllokazh për pak minuta për të shkuar në market.
I riu në këtë moment e ka pikasur dhe ka hipur mbi makinë, duke u larguar me shpejtësi. Pas marrjes së informacionit, policia është vënë menjëherë në ndjekje të autorit ndërsa falë kamerave të sigurisë nëpër qytet është mësuar edhe itinerari i lëvizjes.
Policia ka mundur ta rrethojë e ta ndalojë të riun që vodhi makinën në autostradë, pranë fshatit Panaja.
Hajduti i makinës rezulton të jetë A.Goxhaj, person me precedent të mëparshëm, dhe vetëm 3 ditë më parë ishte shoqëruar sërish në polici. Autori është ndaluar dhe shoqëruar në komisariat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje