.png)
Kandidati për Bashkinë e Tiranës i koalicionit “Bashkë Fitojmë”, Belind Këlliçi, votoi në orën 08:30 në Shkollën “Dora d’Istria”.
Pasi hodhi votën, Këlliçi u ndal para gazetarëve dhe u bëri apel qytetarëve që të votojnë për të ndryshuar të ardhmen e kryeqytetit.
“Ftoj të gjithë qytetarët e Tiranës që të shkojnë në qendrat e tyre të votimit për të kryer detyrën e tyre qytetare. Ftoj të gjithë të rinjtë, të gjithë ata qytetarë që kam takuar këto muaj dhe kam folur për ndryshimin. Sot është dita e madhe, është dita ku keni në dorë fatin e këtij qyteti. Kam apel për rininë, për naçut e Tiranës, për të gjithë ata që mendojnë se duhet të ikin nga ky qytet. I them “JO”! Hajdeni të votoni dhe bashkë të ndryshojmë të ardhmen e qytetit tonë. Për të gjithë abuzimet që kemi parë këto 8 vite dhe shpresat që janë shuar, dilni dhe votoni! Nuk ua kontrollon dot njeri votën. Votoni me ndërgjeje të pastër dhe votoni për 4 vitet e ardhshme”, tha Këlliçi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje