.png)
Gazeta Si – Kandidati i Partisë Socialiste për Bashkinë e Tiranës, njëherësh kryebashkiaku aktual, Erion Veliaj, ka votuar këtë të diel i shoqëruar nga bashkëshortja Ajola Xoxa, në qendrën e votimit te Parku Olimpik në Tiranë.
Veliaj ka falënderuar të gjithë kandidatët për fushatën e qetë, përfshirë dhe KQZ-në për vendimin për çështjen e identifikimit elektronik.
Kryebashkiaku u ka bërë thirrje qytetarëve që të dalin në votime pasi problemi elektronik është rregulluar.
“Gjithmonë duhet të prevalojë e drejta e qytetarëve për të votuar. Më vjen mirë që prevaloi kjo e drejtë. Ftesa për të gjithë qytetarët është që të rikthehen në qendrat e votimit, të gjithë të dalin të votojnë për të ardhmen, – tha Veliaj. – Janë fatet e qytetit për katër vitet të ardhshme, janë projektet e qytetit në lojë. Mezi pres ta çoj këtë proces me qetësi. Dua të falënderoj të pestë kandidatët e tjetër, sukses dhe shëndet.
Veliaj shtoi se në përgjithësi kjo ka qenë një fushatë e qetë: “Kështu dalim faqebardhë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje