.png)
Pentagoni pranoi se sulmi me dron në Kabul pak para tërheqjes së trupave amerikane, goditi një makinë të gabuar dhe vrau 10 civilë të pafajshëm.
Gjenerali Kenneth McKenzie, i Komandës Qendrore të SHBA-ve, ka folur për një “gabim tragjik”, duke ofruar ngushëllimet e tij më të thella për familjet e viktimave. Shtatë nga 10 të vdekurit ishin fëmijë.
Pavarësisht dyshimeve që u shfaqën në mediat amerikane dhe ankesave të familjeve të viktimave, deri më tani Pentagoni kishte mbrojtur ‘goditjen’ e drejtuar më 29 gusht kundër një “kërcënimi të afërt”, duke deklaruar se ishin sulmues vetëvrasës të drejtuar për në aeroportin e Kabulit.
Pas disa javësh, zbardhet dhe e vërteta: është “e pamundur”, shpjegon Komanda, që automjeti i goditur dhe njerëzit në bord, “ishin të lidhur me Isis-K ose një kërcënim të drejtpërdrejtë për forcat amerikane”. Shoferi ishte një punonjës i një organizate humanitare amerikane prej shumë kohësh.
“Ky sulm, u nis me besimin e fortë se do të pengonte një kërcënim të afërt për forcat tona dhe evakuuesit në aeroport, por ishte një gabim dhe unë kërkoj falje të sinqerta”, – tha McKenzie.
Siç raportohet nga CNN, gjenerali mori kështu “përgjegjësinë e plotë për incidentin”. Javët e fundit, Pentagoni kishte raportuar vdekjen e të paktën një ndërmjetësi të ISIS-K dhe tre civilëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje