.png)
Partia Demokratike thotë se vrasja e policit Saimir Hoxha në ngjarjen e rëndë të ndodhur këtë të martë në Lezhë është një ngjarje e paralajmëruar prej kohësh.
“Është një tragjedi e paralajmëruar, sepse prej vitesh punonjësit e policisë që shërbejnë me ndershmëri në mbrojtje të rendit dhe sigurisë janë braktisur nga shteti i gjunjëzuar përpara krimit, i cili është në revansh për shkak të modelit të bashkëpunimit me krimin të frymëzuar nga ky regjim i korruptuar”, deklaroi nënkryetari i PD, Enkelejd Alibea.
Sipas PD, “Shqipëria e sunduar nga Edi Rama është kthyer në vendin kryesor të prodhimit të kanabisit në Europë, pasojat e këtij vullneti të mbrapshtë politik janë shkatërruese për shoqërinë dhe institucionet tona”.
Alibeaj thotë se ky është modeli i ngritur nga Edi Rama dhe zgjidhje për rikthimin e rendit dhe sigurisë sheh vetëm ndarjen përfundimtare të politikës nga krimi dhe ndëshkimi i modelit “Rama”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje