.png)
Nga Gazeta ‘Si’-Presidenti i Republikës, Bajram Begaj ka dënuar sulmin ndaj forcave të policisë së Kosovës në veri.
Me anë të një reagimi, Kreu i Shtetit shqiptar e konsideron sulmin si akt të organizuar kriminal që cënon rendin dhe sigurinë.
Po ashtu, Begaj i bëri thirrje komunitetit ndërkombëtar që “të reagojë me vendosmëri ndaj urdhëruesve dhe zbatuesve të këtij akti tejet të rëndë për stabilitetin e Kosovës dhe paqen në rajonin e Ballkanit Perëndimor”.
Presidenti Begaj thekson se Shqipëria është gjithmonë në mbështetje të Kosovës.
“Shpreh ngushëllimet e mia të sinqerta për familjen e policit të vrarë dhe uroj shërim të shpejtë për policët e plagosur.
Në këto momente nevojitet më shumë se kurrë qetësi, maturi dhe bashkëpunim i ngushtë me KFOR dhe aleatët”, deklaroi ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje