.png)
Zbulohen detaje të tjera për vrasjen e 35-vjeçarit në Korçë mbrëmjen e kaluar. Viktima është Altin Balliu, i cili u qëllua me armë zjarri, duke gjetur vdekjen e menjëhershme. Krimi ndodhi jashtë një lokali, në lagjen numër 10 të qytetit.
Policia është vënë në ndjekje të autorit të ngjarjes, Olger Mustafaj, i cili është banori i lagjes ku ndodhi ngjarja. Mësohet se autori është person me precedent penalë.
Po ashtu bëhet e ditur se vrasja ndodhi pranë një lokali pas një konflikti që autori kishte pasur me viktimën, banor i fshatit Slabinjë të Pogradecit dhe shokët e këtij të fundit. Mësohet se i gjithë sherri kishte nisur për bllokimin e rrugës me makinë. Sipas burimeve nga grupi hetimor, autori ka qëlluar fillimisht me një plumb në makinën e viktimës. 35-vjeçari ka dalë nga makina dhe ka tentuar të largohej në këmbë nga personi që e ndiqte me armë.
Pas disa metrave nga vendi i konfliktit, autori e ka ndjekur të riun dhe e ka qëlluar me një plumb, duke i shkaktuar plagë vdekjeprurëse.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje