.png)
Gazeta Si – Kreu i Bashkisë së Lezhës, njëherësh kandidat i PS-së për një tjetër mandat në këto zgjedhje, Pjerin Ndreu, ka reaguar për vrasjen e Ardian Nikulajt në Shëngjin, duke e cilësuar një ngjarje të rëndë që cënon sigurinë e rendin publik të qytetit.
Ndreu shkruan se ndihet i tronditur nga ngjarja dhe se ky është një cenim i rendit dhe i sigurisë publike në qytetin e Lezhës. Ndreu bën thirrje për organet e rendit dhe prokurorisë që të zbardhin sa më shpejt ngjarjen e rëndë.
“I tronditur nga ngjarja e sotme në Shëngjin ku ngeli i vrarë Ardian Nikulaj, biznesmen dhe anëtar i këshillit bashkiak! Një ngjarje e tillë është cenim i rëndë i rendit dhe sigurisë publike në qytetin tonë!
Kërkoj me forcë nga organet e rendit dhe prokurorisë qe te zbardhin sa me shpejt ngjarjen, për të vënë përballë ligjit autorët e kësaj ngjarje të shëmtuar!
Shpreh ngushëllimet e mia familjes se tij dhe te afërmeve për këtë humbje kaq tragjike!“- shprehet Pjerin Ndreu.
Të paktën 2 persona dyshohet se morën pjesë në ekzekutimin e biznesmenit Ardian Nikulaj, këtë të mërkurë në Shëngjin.
Ngjarja e rëndë ndodhi në këtë kompleks turistik që ndodhet në hyrje të Shëngjinit, në pronësi të biznesmenit 51-vjeçar, një emër i njohur në zonë.
50-vjeçari rezulton se ka disa biznese në zonën e Lezhës. Ai po ashtu ka qenë pjesë e politikës, si anëtar i Këshillit Bashkiak të këtij qyteti, por edhe si kandidat për deputet në zgjedhjet e 2021 në radhët e PSD.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje