.png)
Një vrasje është regjistruar në Shijak, ku një person është vrarë dhe një tjetër është plagosur. Ngjarja ka ndodhur rreth orës 23:05, në Xhafzotaj të Shijakut.
Sipas policisë, dy vëllezërit Fiqiri e Fadil Çalliku, 65 dhe 63 vjeç, të cilët ishin në tokën e tyre dyshohet se pas një konflikti të çastit me 1 person janë dëmtuar me mjet prerës, (thikë).
Mësohet se 65-vjeçari, si pasojë e plagëve të marra ka ndërruar jetë në Spitalin Rajonal Durrës.
Të dy vëllezërit kishin shkuar të plagosur në spital, e për pasojë Fiqiri Çalliku ndërroi jetë.
Çalliku njihet si familje e qetë pa konflikte në zonën e Shijakut dhe merreshin me bujqësi. Duke u marrë me bujqësi, ata kishin mbjellë arën me misër, dhe për të ruajtur atë nga hajdutët, vëllezërit qëndronin vigjilent. Pasi dhe javën e shkuar kanë tentuar t’i vidhnin.
Mbrëmë vëllai i viktimës kishte shkuar në arën me misër dhe pasi ishte vonuar ishte bërë merak i vëllai. Ai ishte nisur atje, ndërkohë që një person, hajduti i misrit i ka qëlluar me thikë. Njëri prej tyre ka ndërruar jetë në spital, kurse tjetri është në gjendje të stabilizuar. Të afërmit thanë se të dy vëllezërit njihen si punëtor.
Nga ana e grupit hetimor janë shoqëruar disa persona dhe janë sekuestruar prova materiale në vendngjarje. Vijon puna për zbardhjen e ngjarjes, identifikimin dhe kapjen e autorit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje