.png)
Gjykata e Vlorës ka dhënë masën e sigurisë “arrest me burg” për 17-vjeçarin, i cili vrau gjyshin e tij me armë zjarri dhe më pas e grabiti.
“Arrest me burg” është dhënë edhe për 28-vjeçarin M. A, i cili dyshohet se së bashku me L. M 17 vjeç dhe F. Xh 16 vjeç, i shitën armën Kapllanajt.
Ndaj dy të miturve të tjerë, Gjykata vendosi masën e sigurisë detyrim paraqitje.
Pak ditë më parë 69-vjeçari Vangjel Kapllani u qëllua me një plumb pas koke në banesë nga nipi i tij, të cilit i kishte vënë emrin e tij.
Nipi 17-vjeçar përballet tashmë me akuzën e “vrasjes për shkak të marrëdhënieve familjare”. Ndërkohë, në kokën e viktimës është gjetur edhe predha e qitur nga arma e zjarrit, gjë që i ka shkaktuar vdekjen të moshuarit.
Policia, përveçse sekuestroi armën e krimit të tipit pistoletë, që autori i ngjarjes e kishte hedhur në një pusetë pranë banesës, me qëllim fshehjen e gjurmëve, ndaloi edhe 3 shtetas të tjerë, që dyshohen se i kanë shitur atij armën e krimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje