.png)
Rezultatet e autopsisë së nxjerrë prej mjekësisë ligjore italiane kanë konfirmuar identitetin e trupit të personit që u gjet i murosur në një vilë luksoze në komunën Senago të Milanos.
Personi në fjalë është Astrit Lamaj, i zhdukur në Genova të Italisë në janar të vitit 2013, në moshën 41 vjeçare.
Mjekët ligjorë kanë konfirmuar se ka qenë një vdekje e dhunshme. Autoritetet e drejtësisë italiane kanë nisur një proces hetimor për zbardhjen e autorëve të këtij krimi makabër.
Policia italiane informon se Astrit Lamaj ishte një person me precedent penal i lidhur me trafikun e drogës.
Vëllai i viktimës ka qenë personi i cili ka denoncuar zhdukjen e Astrit Lamaj.
Prej hetimeve është vërtetuar se ai është parë për herë të fundit në territorin e provincës së Monzës. Trupi i murosur i Astrit Lamaj u gjet pak ditë më parë nga disa punëtorë gjatë punimeve që po kryheshin për restaurimin e vilës luksoze. Vila është restauruar për herë të fundit 5 vite më parë në kohën e zhdukjes së Astrit Lamaj që sivjet do të mbushte 47 vjeç.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje