Zelenski në zonën e nxehtë të frontit të luftës: Nuk heqim dorë nga toka jonë

Gazeta Si – Të martën, presidenti ukrainas Volodymyr Zelenski bëri një vizitë të papritur në Bakhmut, një qytet në frontin e luftës në Ukrainën lindore që konsiderohet të jetë vendi ku rezistenca e ushtrisë ukrainase po lufton më shumë.

Rusia ka përqendruar energji të mëdha në Bakhmut për të paktën dy muaj, me bombardime intensive dhe vendosjen e një sasie jo proporcionale burimesh, krahasuar me vlerën ushtarake që do të kishte pushtimi i tij.

“Faleminderit për guximin, qëndrueshmërinë dhe forcën tuaj në zmbrapsjen e sulmeve të armikut. Guximi juaj tregon se ne do të rezistojmë dhe nuk do të heqim dorë nga ajo që është e jona”, shkroi ai në Telegram, pasi vizitoi atë që ai e quajti “kështjellën Bakhmut”, qytetin në rajonin Donjeck, që forcat ruse janë përpjekur ta pushtojnë prej muajsh dhe për momentin, pika më e nxehtë e frontit.

President Volodymyr Zelensky greets Ukrainian fighters on the front line in Bakhmut in Donetsk Oblast during an unannounced visit on Dec. 20.

Video by Ukrainian public broadcaster Freedom. pic.twitter.com/mLmJ6RfM4w

— The Kyiv Independent (@KyivIndependent) December 20, 2022

Vizita e Zelenskit nuk ishte paralajmëruar dhe u konfirmua nga zëdhënësi i tij vetëm pasi ishte realizuar, kryesisht për shkak se ishte shumë e rrezikshme.

Është e qartë se ka një vlerë të fortë simbolike: Zelenski në thelb shkoi në vendin më të rrezikshëm në front, si për të treguar mbështetjen e tij për ushtarët që kanë luftuar për javë të tëra për të shmangur pushtimin e qytetit, dhe për të bërë të qartë se sulmet ruse deri më tani nuk kanë qenë të suksesshme, ose të paktën jo plotësisht. Zelenskij u dha medalje simbolike ushtarëve që takoi.

Zelensky ka vizituar më parë qytete të tjera të çliruara, së fundmi Hersonin dhe Izyumin. Pak civilë kanë mbetur tani në qytet, i cili kishte një popullsi prej 70.000 banorësh para luftës.

---

Copyright © Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.

---