.png)
Zëvëndëspresidenti Mike Pence do të marrë publikisht vaksinën e koronavirusit të Pfizer të premten, ndërsa Presidenti i zgjedhur Joe Biden pritet të vaksinohet javën e ardhshme.
Shtëpia e Bardhë njoftoi të mërkurën se Pence dhe bashkëshortja e tij Karen Pence do të vaksinohen për të promovuar “sigurinë dhe efikasitetin” e vaksinës së Pfizer. Kirurgu i Përgjithshëm Jerome Adams do të bashkohet me çiftin në marrjen e vaksinës në Shtëpinë e Bardhë.
“Associated Press” raportoi se Biden do të vaksinohet po ashtu publikisht që javën e ardhshme.
Vaksina e Pfizer mori autorizimin e përdorimit emergjent nga Administrata e Ushqimit dhe Barnave të premten.
Në fillim të kësaj jave, Dr. Anthony Fauci, eksperti më i lartë i sëmundjeve infektive në SHBA rekomandoi që udhëheqësit kryesorë të vendit, përfshirë Presidentin Trump, të marrin vaksinën sa më shpejt të jetë e mundur. Trump u infektua në tetor, por nuk është e qartë se sa zgjat imuniteti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje