.png)
Ndërsa Lulzim Basha ka filluar të shfaqet nëpër takime për të certifikuar zgjedhjen në krye të PD-së në fund të korrikut, Sekretari i Përgjithshëm i PD, Gazment Bardhi, është shprehur se kryetari i ri nuk mund të jetë legjitim, nisur nga procesi i deritashëm
“Kam dijeni për vendimet e Kryesisë sikundër kam bërë të qarta qëndrimet e mia për procedurat që duhet të ndiqeshin për hapjen e garës për zgjedhjen e kryetarit të PD-së. Sa kohë nuk ka një mbledhje të vlefshme të Këshillit Kombëtar të PD-së nuk mund të ketë zgjedhje të ligjshme e legjitime.
Sot që flasim e po afron data e shpallur, mund të konfirmoj se ende nuk ka lista se kush mund të konsiderohen anëtarë të PD-së.
Për këtë arsye kemi kundërshtuar riorganizimin e partisë, por kemi kërkuar certifikimin e anëtarësisë për të shkuar në nivelin më të lartë të PD-së”, tha Bardhi
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje