.png)
Sahit Dollapi ka dhënë dorëheqjen nga posti i Sekretarit Organizativ në Partinë Demokratike, kur kanë kaluar më shumë se dy javë nga zgjedhjet e 25 prillit.
Nuk dihen arsyet e dorëheqjes së tij ndërsa në PD ka filluar një proces i gjatë kontestimi i zgjedhjeve konkretisht në 9 qarqe të vendit në një kohë kur PD-ja pritet t’i drejtohet kutisë së votimit në fund të muajit korrik për zgjedhjen e kryetarit pas mbarimit në këtë kohë të mandatit zyrtar të Lulzim Bashës për kryetar partie.
Dorëheqja e Dollapit po qarkullon ndjeshëm në rrjetin mediatik, ndërsa vetë PD-ja nuk ka dhënë asnjë njoftim zyrtar mbi këtë lëvizje.
Për shumëkënd që njeh PD, Sahit Dopalli njihet si njeri i ish-kryeministrit Sali Berisha dhe ai pati një rol jo fort të vogël gjatë procesit të propozimit të kandidaturave për deputet nga strukturat e PD, proces i cili ai ishte zgjedhur ta mbikqyrte.
Gjatë qeverisjes së Sali Berishës, Sahit Dollapi ka mbajtur detyrën e drejtorit të UKT-së dhe CEZ-it.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje