.png)
Kreu i Partisë Demokratike, Lulzim Basha dhe ambasadorja amerikane në Tiranë, Yuri Kim, zhvilluan një takim jozyrtar mbrëmjen e të shtunës
Disa media në vend raportuan se takimi mes tyre lidhej me problematikat dhe situatën ekonomike në vend.
Pjesë e këtij takimi raportohet se ishte edhe dosja 184 rezultatet e së cilës prej dy ditësh po kritikohen nga PD-ja.
Prokuroria e Dibrës ka ngritur akuza për 4 zyrtarë lokalë për shitblerjen e votave në 2017, ndërsa Partia Demokratike këmbëngul se referuar përgjimeve në këtë dosje bashkëfajtor në shitblerjen e votës janë figura të larta në PS.
Por në mbrëmje vonë ambasadorja shkroi në Twitter: “Me kryetarin e PD, Lulzim Basha sonte diskutuam rolin thelbësor të opozitës në demokraci, pikëpamjet e opozitës mbi çështjet kryesore dhe përgatitjet për zgjedhjet e 25 Prillit. Të gjitha partitë duhet të sigurojnë kandidatë të pastër. SHBA do të bëjë pjesën e vet për të mbështetur zgjedhjet e lira dhe të ndershme”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje