.png)
Nga Gazeta Si – Kati i katërt i Spitalit Rajonal të Shkodrës është përfshirë nga flakët e zjarrit mëngjesin e kësaj të shtune.
Zjarri ka rënë në dhomat e repartit të kirurgjisë.
Për fat të mirë, flakët janë neutralizuar në kohë dhe nuk ka pasur të lënduar, por vetëm dëme materiale.
Nuk dihet ende shkaku i rënies së zjarrit, por paraprakisht dyshohet aksidental.
Për ngjarjen ka reaguar edhe Spitali i Shkodrës, duke sqaruar se pacientët u evakuuan menjëherë dhe asnjë prej tyre nuk u lëndua.
“Spitali Rajonal Shkodër bën me dije se në orën 6:45 të mëngjesit të sotëm, ka ndodhur një incident, ku ka rënë zjarr në njërën prej dhomave të pacientëve në Shërbimin e Pneumologjisë. Pacientët janë evakuuar në kohë dhe nuk ka pasur të lënduar. Zjarri është shuar menjëherë, duke mos lejuar përhapjen në dhomat e tjera. Spitali Rajonal i Shkodrës siguron se shërbimi vijon pa ndërprerje teksa po merren masa të menjëhershme për riparimin e ambientit ku ka ndodhur incidenti”, thuhet në reagimin e Spitalit të Shkodrës.
Grupi hetimor vijon punën për zbardhjen e shkakut të rënies së zjarrit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje