.png)
Presidenti turk Rexhep Tajip Erdogan u takua të martën me dy zyrtarët më të lartë të Bashkimit Europian, por një moment ishte i mjaftueshëm për të provokuar trazira diplomatike. Në një video që është shpërndarë gjerësisht në rrjetet sociale, presidenti turk shihet tek mirëpret presidenten e Komisionit Europian dhe atë të Këshillit Europian në pallatin presidencial.
Ndërsa Tayyip Erdogan përgatitet të ulet me Charles Michel në karriget e vendosen prapa tyre, Ursula von der Leyen tronditet kur zbulon se nuk është vendosur asnjë karrige në dispozicion për të.
Kryetarja e Komisionit shihet duke parë dy burrat tek ulen për të nisur bisedimet. Pasi qëndroi për pak kohë në këmbë, Von Der Leyen ishte e detyruar të ndiqte diskutimin nga divani i vendosur 12 metra larg, përballë Ministrit të Jashtëm turk Mevlüt Çavuşolulu, i cili mban një pozitë më të ulët sipas protokollit diplomatik.
EU Commission President Ursula von der Leyen seems to have been left in the cold as she along with EU Council President Charles Michel met Erdogan today
— Ragıp Soylu (@ragipsoylu) April 6, 2021
At first I thought she was equivalent of a foreign minister. I was mistaken.
pic.twitter.com/dETdDwbzua
Zyrtarët e lartë të Bashkimit Europian kanë shprehur shqetësimin e tyre të thellë për nivelin e respektimit të të drejtave të njeriut në Turqi.
Ata i thanë presidentit turk, Recep Tayyip Erdogan se, BE-ja shpreson në lidhje me të ngushta me Turqinë, mirëpo kjo do të varet nga përmirësimi që do të bëjë vendi në fushën e të drejtave të njeriut dhe sundimit të ligjit.
Von der Leyen dhe Michel thanë se gjithashtu ia bënë të qartë Erdoganit se një “mjedis i qëndrueshëm dhe i sigurt” për anëtarët e BE-së, Qipron dhe Greqinë është një parakusht tjetër për lidhje më të ngushta.
Pas bisedimeve gati tre-orëshe, ata thanë se ngritën çështjen e përkeqësimit të shtetit të së drejtës dhe shtypjen e të drejtave civile dhe politike në Turqi. Von der Leyen bëri thirrje që Erdogan të kthejë vendimin e tij për t’u tërhequr nga Konventa e Stambollit për të drejtat e grave.
“Çështjet e të drejtave të njeriut janë të pak negociueshme”, tha von der Leyen.
“Ne ishim shumë të qartë. Ne e nxisim Turqinë të kthejë vendimin e saj sepse është instrumenti i parë ndërkombëtar detyrues për të luftuar dhunën ndaj grave dhe fëmijëve. Ne kemi nevojë për aleatë në luftën globale kundër dhunës ndaj grave dhe fëmijëve”, tha ajo.
Muajin e kaluar Erdogan e largoi Turqinë si palë nënshkruese e Konventës së Stambollit pasi disa anëtarë të partisë së tij të orientuar nga islami thanë se ajo inkurajon divorcin dhe dëmton familjen tradicionale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje