.png)
Partia Socialiste feston 31 vjetorin e themelimit të saj, që e gjën në një proces transformimi dhe hapjeje të nisur që prej fillimit të këtij viti.
Kryesocialisti Edi Rama uroi përmes një postimi në Facebook. Urimi i tij ishte ‘gjithëpërfshirës’, nga të shumëpërfolurit patronazhistë, te lideri historik i PS, Fatos Nano.
“Me urimin për ditëlindjen e Partisë Socialiste, të gjithë atyre që i kanë dhënë dje dhe i japin sot PS, që nga patronazhisti më i thjeshtë, tek drejtuesit në territor, e deri tek themeluesit e saj dhe lideri Fatos Nano, ju uroj të gjithëve ju një të diel të qetë”, shkruan Rama.
LEXO EDHE:
– Emrat, 4 të arrestuar për skandalin e pagave. Dy specialistët e IT te Tatimet dhe AKSHI ia shitën subjekteve private
– Publikimi i pagave, Tabaku: Shteti ra në duart e militantëve patronazhistë
Skandali i patronazhistëve shpërtheu para zgjedhjeve parlamentare të 2021, kur u publikuan të dhëna personale për rreth 900 mijë qytetarë shqiptarë. Të dhënat ishin pjesë e regjistrave të Partisë Socialiste të hartuar nga patronazhistët, që përveç vendit të punës, numrin e telefonit e të tjera të dhëna linin shënime edhe mbi orientimin politik të qytetarëve që kishin nën patronazhim.
Rama e ka mbrojtur këtë praktikë, duke deklaruar se patronazhimi është një organizim i partive politike kudo në Perëndim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje