.png)
Bashkimi Europian falenderon Shqipërinë për përpjekjet në gjetjen e konsensusit për drejtuesit e katër zyrave kryesore të OSBE-së, megjithëse në përfundim nuk u arrit që të merrej vota unanime e 57 vendeve anëtare për asnjë nga katër emrat e propozuar për zgjatje mandati edhe me 3 vite.
“Bashkimi Europian falenderon Presidencën e Shqipërisë për përpjekjet e bëra në emërimin e Sekretarit të Përgjithshëm dhe të drejtuesve të tre institucioneve të tjera autonome, Përfaqësuesit për Lirinë e Medias, drejtorit të Zyrëës përë Institucione Demokratike dhe të Komisionerit të Lartë për Minoritetet. Sekretari i Përgjithshëm të OSBE-së dhe tre drejtuesit të tjerë të institucioneve autonome luajnë një rol të rëndësishëm në mbështetje të zotimeve të OSBE-së”, thotë BE.
Brukseli shpreh keqardhjen që vende të caktuara dhe në minorancë refuzuan këto kandidatura.
“Në një kohë që dërrmuese e vendeve anëtare mbështetën propozimin e Presidencës së OSBE-së për riemërimin e katër emrave, nuk u gjet një konsensus. Vendimi i një grupi të vogël vendesh anëtare për të kundërshtuar këtë vendim minon efektivitetin e organizatës dhe dobëson bashkëpunimin dhe qasjen për paqe e siguri në Europë. Një organizëm i plotë dhe funksonal është më shumë i nevojshëm se kurrë, duke parë sfidat me të cilat përballet kontinenti ynë, sfida që pandemia e koronavirusit i ka bërë edhe më urgjente zgjidhjen e tyre”, vijon deklarata.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje