.png)
Komisioni Qendror i Zgjedhjeve ka çuar për ndjekje penale 67 numërues të zgjedhjeve parlamentare të 25 prillit.
Numëruesit dyshohet se u kanë hequr apo shtuar vota preferenciale kandidatëve për deputetë në zgjedhjet e përgjithshme parlamentare.
Numrin më të madh të numëruesve që janë kapur me shkelje e ka Tirana, ku rezultojnë se 21 numërues kanë abuzuar me detyrën.
Kryekomisioneri Ilirjan Celibashi i kërkoi KAS gjobitjen e 32 sekretarëve të Komisioneve Zonale të Administrimit Zgjedhor pas shkeljeve të konstatuara ditën e zgjedhjeve.
KQZ ka referuar për hetime të mëtejshme nga ana e prokurorisë të gjitha rastet kur diferencat mes votës reale që kanë marrë dhe asaj që kanë shënuar grupet e numërimit për kandidatët janë më të larta se 20 vota.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje