.png)
Partia Socialiste do të thërrasë të shtunën, më 4 qershor në orën 18:00 seancën plenare për zgjedhjen e Presidentit të ri, ndërsa të premten Edi Rama do të mbledhë Kryesinë dhe grupin parlamentar të partisë, ku nga ku do të dalë edhe emri i presidentit të ri, apo presidentes së re të vendit.
Procedurat nisën me mbledhjen e Konferencës së Kryetarëve këtë të martë në Kryesinë e Kuvendit ku u zyrtarizua dita dhe orari.
Ajo që kushtëzon fundjavën është se të hënën, më 6 qershor, një delegacion deputetësh të mazhorancës dhe opozitës do të nisën për takime zyrtare jashtë vendit, duke vënë në mëdyshje pjesëmarrjen në votimin për Presidentin e ri.
Duke qenë se në këtë raund PS ka deklaruar se do të paraqesë kandidatura dhe Presidenti zgjidhet me shumicë të thjeshtë prej 71 votash, ajo nuk kërkon të rrezikojë që të dështojë ky votim për shkak të mungesave në sallë dhe ta shtyjë zgjedhjen në raundin e pestë.
Afrimi i seancës është nënkuptuar edhe nga deklaratat e së hënës të kreut të grupit parlamentar socialist, Taulant Balla. Ai tha se seanca do të mbahet ‘brenda datës 6 qershor’, pra jo domosdoshmërisht në 6 qershor, por edhe më parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje