.png)
Kryeministri i Kosovës, Albin Kurti udhëtoi dje në Tiranë ku ka zhvilluar një takim prej dy orësh të paparalajmëruar me kryeministrin Edi Rama.
Takimi Rama-Kurti është zhvilluar pa praninë e mediave, në ambientet e Vilës qeveritare 30 në Tiranë. Pas takimit asnjëri nga dy kryeministrat nuk janë prononcuar për media e as nuk kanë dhënë ndonjë deklaratë.
Ndërkohë zëdhënësi i Qeverisë së Kosovës, Përparim Kryeziu ka treguar për Telegraf se cili ishte qëllimi i takimit dhe çfarë bieduan Kurti dhe Rama.
“Në këtë takim dy kryeministrat kanë folur për çështjet e politikave publike e qeveritare dhe socio-ekonomike në Kosovë e Shqipëri, me theks të veçantë në sfidat energjetike dhe shkëmbimin që po bëjnë KEK me KESH”, ka thënë Kryeziu.
Kryeministri Kurti u largua në mes të konferencës për media pas takimit me Këshillin Grevist, duke u thënë gazetarëve se i duhet të shkojë në një takim urgjent.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje