.png)
Gazeta Si – Kryesia e Partisë Demokratike e drejtuar nga Sali Berisha ka miratuar kalendarin për të cilën do të realizohet procesi i primareve për përzgjedhjen e kandidatëve për kryetar bashkie.
Është vendosur që nga 18 tetori deri më 6 nëntor do të realizohen negociatat me aleatët e PD-së dhe do të bëhet procesi për evidentimin e kandidaturave për procesin e primareve.
Mësohet se kalendari parashikon që nga data 6 nëntor deri në 13 nëntor të filtrohen kandidaturat dhe dalin kandidatura zyrtare.
Ndërsa nga data 13 nëntor deri në 4 dhjetor, kandidatët zhvillojnë fushatën për primaret.
Sipas këtij programimi, është vendosur që me 4 dhjetor të bëhet votimi i kandidatëve në të gjithë Shqipërinë.
Por Berisha duket se po ndjek një strategji për të kënaqur edhe Ilir Metën, kreun e Partisë së Lirisë, i cili ka kërkuar që në bashkitë e mëdha kandidatët të përcaktohen edhe më herët.
Kështu është vendosur që për Tiranën, Durrësin dhe Elbasanin procesi i primareve mund të zhvillohet me shpejt.
“Do të zhvillohen takime intensive me aleatët tanë për të gjetur gjuhën e përbashkët. Ka sugjerime të drejta, ka propozime të arsyeshme dhe theksoj që mirëpriten të gjitha sugjerimet e tyre, mirëpriten të gjitha kandidaturat e tyre, mirëpriten në mënyrë të padiskutueshme kandidatura nga shoqëria civile dhe bota akademike e vendit”, tha Berisha.
Kryesia ka vendosur gjithashtu që në procesin e primareve të votojnë veç anëtarëve, dhe simpatizantët.
Sipas vendimit të marrë, simpatizantët do të regjistrohen më vete, duke shkuar pranë grup seksionit.
Regjistrimi i tyre do të bëhet në çdo seksion të degëve të PD, sipas vendbanimit të simpatizantëve dhe procesi i regjistrimit duhet të përfundojë 5 ditë para datës së primareve.
Kreu demokrat theksoi se edhe aleatët do të kenë mundësi të përfshihen në këtë proces me sugjerimet e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje