.png)
Gazeta Si – Presidenti rus Vladimir Putin mbetet “i hapur për bisedime për të garantuar interesat e Rusisë”.
Kështu deklaroi zëdhënësi i Kremlinit, Dmitry Peskov, i cituar nga agjencia e lajmeve “Tass”, pas ofertës së negociatave nga presidenti amerikan Joe Biden.
Peskov shtoi se Moska “e konsideron rrugën paqësore diplomatike si rrugën e preferuar për të arritur qëllimet e saj”.
Megjithatë, Rusia e ka të pamundur të pranojë kushtin e vendosur nga presidenti amerikan Joe Biden për negociatat, pra që trupat e Moskës fillimisht të largohen nga territori ukrainas.
Kjo u sqarua nga zëdhënësi i Kremlinit, Dmitry Peskov, i cituar nga agjencia tjetër e lajmeve ruse, “RIA Novosti”.
Të enjten, presidenti amerikan Joe Biden tha se ishte i gatshëm të bisedonte me Putin, nëse shefi i Kremlinit po kërkonte për një mënyrë për t’i dhënë fund luftës, por sipas tij, Putin nuk e ka lënë të kuptohet diçka e tillë.
“Presidenti i Federatës Ruse ka qenë dhe mbetet gjithmonë i hapur për negociata në mënyrë që të mbrojë interesat tona”, tha zëdhënësi i Kremlinit, Dmitry Peskov për gazetarët kur u pyet për deklaratën e Biden.
“Mënyra e preferuar për të arritur interesat tona është përmes paqes dhe diplomacisë”, tha Peskov, ndërsa shtoi se “Putin ka qenë dhe mbetet i hapur ndaj kontakteve dhe negociatave”.
Ndërkohë, SHBA-të këmbëngulin se “kjo luftë mund të përfundojë që nesër nëse Putin ndalet”.
Deklarata u lëshua gjatë një interviste me transmetuesin francez “France 2” nga Sekretari amerikan i Shtetit, Antony Blinken, i cili më pas vazhdoi të akuzonte presidentin rus për “luajtjen e kartës së dimrit” për “përdorimin e tij si mjet lufte”.
Në çdo rast, përfundoi Blinken, një takim midis Volodimir Zelenskit dhe Putin do të ishte i mundur nëse Moska do të ishte “serioze për diplomacinë dhe dialogun”, por presidenti rus bën “krejt të kundërtën”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje