.png)
Kryetari i Partisë Demokratike Sali Berisha nuk ishte i pranishëm në 32 vjetorin e themelimit të “RD” të enjten në mbrëmje.
Nënkryetari i PD-së, Oerd Bylykbashi tha se Berisha mungonte për arsye gripale.
Berisha nuk ka dalë në asnjë komunikim për mediat këtë fillim viti ndërsa reagimet e tij në Facebook nuk kanë munguar. Berisha anuloi edhe takimin e përjavshëm me mediat.
Pavarësisht kësaj situate, kryetari i Partisë së Lirisë, Ilir Meta, ka buajtur në selinë e PD-së ku mësohet se është takuar me Sekretarin Përgjithshëm, Flamur Noka.
Pasi doli nga selia e PD, Meta nuk foli për mediat por tha vetëm: “Është viti i ndryshimit”.
Herën e fundit në selinë e PD ai zhvilloi një takim me kreun e PD i shoqëruar nga Petrit Vasili, ndërsa Berisha ishte në takim me Flamur Nokën.
Takimi i Metës në selinë e PD lidhet me përgatitjet për zgjedhjet e ardhshme lokale si dhe me bashkërendimin e qëndrimit opozitar.
Në anën tjetër kryeministri Edi Rama ka filluar punën duke mbledhur ministra e drejtues institucionesh edhe pse pak është kuptuar realisht mbi rezultatet e takimeve.
E vetmja lëvizje konkrete ishte ajo me Presidentin e Republikës, Bajram Begaj, ku Rama paralajmëroi mbledhjen e afërt të Këshillit të Sigurisë dhe ndërrimin e disa ambasadorëve jashtë vendit
.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje