.png)
Kreu i Partisë Agrare-Ambientaliste, Agron Duka foli për mundësinë e një bashkëpunimit të partisë që ai drejton me Partinë Socialiste për zgjedhjet e ardhshme parlamentare.
Duka u shpreh se dëshira mbetet që të riorganizohet opozita, por sipas tij, nëse kjo gjë nuk ndodh, do të shihen të gjitha mundësitë, në mënyrë që kauza agrare – ambientaliste të mbijetojë në të ardhmen.
“Natyrisht që ka zhvillime, ka dy vjet për të ardhur zgjedhjet parlamentare. Ne jemi parti e qendrës, këshilltarët tanë janë me qëndrime majtas, ka me qëndrime djathtas, kështu që pastaj mbetet për të vendosur.
Dëshira pastaj mbetet, nëse do të ketë vullnet pozitiv, të riorganizohej opozita. Nëse kjo nuk shihet pastaj, do të shohim të gjitha llojet e mundësive, që kauza agrare – ambientaliste të mbijetojë në të ardhmen”, tha Duka në A2 CNN.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje