Rama: Marrëveshja me Melonin do të kalojë në Kuvend me shumicë të thjeshtë

Kryeministri Edi Rama ka deklaruar se marrëveshja e firmosur me kryeministren Italiane Giorgia Meloni për emigrantët do të kalojë në Kuvend me shumicë të thjeshtë

“Marrëveshja do të shkojë në parlament. Do të ratifikohet atje”, tha Rama i ftuar në Report Tv.

I pyetur nëse do të kalojë me shumicë të thjeshtë apo të cilësuar, Rama tha se ajo do të trajtohet si marrëveshjet e tjera ndërkombëtare.  

Lexo edhe:
Devijon marrëveshja Rama-Meloni? Zv.ministri italian: Nga 28 ditë, emigrantët në Shqipëri mund të qëndrojnë deri në 18 muaj

“Është marrëveshje ndërkombëtare. Nuk jemi as unë as ju konstitucionalistë. Kemi pasur një skuadër që i ka trajtuar edhe me konstitucionalistë juristë të së drejtës europiane, italianë e shqiptarë. Është e kotë të debatojmë…”, tha ai.

Lexo edhe:
Marrëveshja Rama-Meloni, KiE: Shqetësim të drejtat e njeriut

Lexo edhe:
Prodi: Marrëveshja Rama-Meloni, një komedi interesante për interesa partiake të dy liderëve

Lexo edhe:
Shqipëria, një zgjidhje afatshkurtër ndaj problemit afatgjatë të emigracionit në Europë!

Rama tha se gjithçka është llogaritur duke shprehur bindjen se nuk do të ketë probleme në zbatimin e kësaj marrëveshje.

 “Jam 100 % i bindur. Janë vënë bashkë dy ekipe që dinë se çfarë kanë shkruar…”, tha ai.

---

Copyright © Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.

---