.png)
Pas mbledhjes disa orëshe të një pjese të grupit parlamentar dhe kryesisë së drejtuar në kohën e Bashës, Enkelejd Alibeaj tha se nuk mund të dërgonte në regjistrin e partive politike dorëheqjen e Lulzim Bashës sa kohë kur nuk ka një kryetar të ri.
Megjithatë, Alibeaj i pyetur nga media, tha se ndihej drejtues I partisë pas mandatit që kishte marrë këtu e një vit më parë.
“Ndihem drejtuesi i PD-së, ushtruesi i detyrës që nga momenti kur Basha dha dorëheqjen”.
Pse nuk e dërgoi dorëheqjen e Bashës në gjykatë?
“Duhet ta dini se sipas ligjit, në regjistrin e partive politike regjistrohen emrat e kryetarëve të partive. Në rastin kur ka një dorëheqje, ajo se çfarë do duhet të regjistrohet është zgjedhja e kryetarit të ri të partisë. Aktet e dorëheqjes nuk regjistrohen. Duhet të priten, siç jeni në dijeni, që PD-ja do organizojë procesin e zgjedhjeve nga baza deri në kreun e saj sipas rregullave dhe procedurave”, u përgjigj ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje