.png)
Ish këshilltar ligjor, avokat, Drejtor i Kodifikimit, më pas anëtar i Gjykatës së Lartë, dy herë drejtues i KED, me një cerfitikatë lavdëruese nga DASH, por gjyqtari më i sulmuar nga Ilir Meta dhe Sali Berisha, Ardian Dvorani pritet t’i drejtohet gjykatës Kushtetueses pas mbarimit të mandatit të Altin Binajt.
E ka vendosur KED, aty ku atij iu ndërpre mandati i dytë si drejtues, pas përplasjes publike që pati me Ilir Metën kur ky i fundit ishte President.
Ardjan Dvorani është sot gjyqtar i Gjykatës së Apelit Administrativ të Tiranës.
Për të shkuar drejt Gjykatës Kushtetuese, atij iu desh te ishte në rregull me drejtësinë për të gjitha paditë që ngriti Ilir Meta.
Ky i fundit e akuzoi Dvoranin si ushtar të PS, gjatë procesit të përzgjedhjes së anëtarëve të Gjykatës Kushtetuese nga Presidenti dhe Parlamenti
Presidenti e kallëzoi në tre prokurori Dvoranin kur ky I fundit ishte kreu i KED. Të tria pushuan cështjen.
Gjykata e Posaçme vendosi po ashtu të njëjtën gjë, ashtu si edhe SPAK.
Ardian Dvorani është i pastër ligjërisht në të gjitha hallkat. Ai i ka mbyllur ‘hesapet’ me drejtësinë, por jo me Ilir Metën.
Përplasja mes të dyve i ka fillesat që prej vitit 2012 në kohën e publikimit të videos së famshme nga ish-deputeti i ndjerë Dritan Prifti. Atëbotë, Ardian Dvorani ishte kryesues i Kolegjit Penal të Gjykatës së Lartë që dha vendimin unanim të pafajësisë së Ilir Metës, pas akuzës së ngritur ndaj tij për korrupsion.
Dvorani votoi pro pafajësisë por ishte i vetmi që shfaqi rezerva mbi disa akte proceduriale të ndjekura dhe vendime të ndërmjetme të Gjykatës së Lartë me administrimin e pronave.
Në vitin 2019 përplasja ishte publike, kur Ilir Meta në cilësinë e Presidentit e akuzoi Dvoranin për komplot gjatë procesit të emërimit të anëtarëve të Gjykatës Kushtetuese.
Sot të dy ata janë në një tjera pozicione, por me qejfmbetje të dyanshme.
Dvorani që i drejtohet Kushtetueses ndërsa Ilir Meta kryetar i një partie të krijuar nga ai vetë. / N.P
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje