.png)
Pas prezantimit të Sali Berishës të kandidatëve për zgjedhjet e pjesshme lokale të 6 marsit, Sekretari i Përgjithshëm i PD, Gazment Bardhi, tha se logo e demokratëve është vetëm e PD.
Në një reagim zyrtar, Bardhi shtoi se nuk ka logo tjtër që i përfaqëson demokratët përveç saj të PD. “Izolimi i Sali Berishës nuk do të sjellë kurrë izolimin e PD dhe tentativa për të shpallur ‘Non Grata’ logon e PD, ka dështuar në 18 dhjetor. Për demokratët dhe çdo shqiptar që do ndryshimin, nuk ka logo tjetër që i përfaqëson përveç asaj të PD”, – tha ai.
Koalicioni i Komisionit të Rithemelimit me LSI-në në zgjedhjet e 6 marsit për 6 bashki, sipas Bardhit është shtojcë e LSI, “në shtëpinë e tyre të përbashkët non-grata”.
“Sot Sali Berisha pohoi me gojën e tij se po i bën mbështetësit e tij shtojcë të LSI. Nuk ka Shtëpi të Lirisë. Ka Shtojcë të LSI-së në shtëpinë e tyre të përbashkët NON GRATA!. Regjistrimi në zgjedhje ka vulën e LSI-së, komisionerët kanë vulën e LSI-së. ‘Shtëpia Non-Grata’ i shërben Edi Ramës, siç ka bërë që në 2013, me aleancën e dukshme dhe të padukshme mes tyre! Në 6 mars, kush zgjedh ‘Shtëpinë Non-Grata’, ka zgjedhur Edi Ramën”, – deklaron Bardhi.
Më herët, Sali Berisha deklaroi se 6 kandidatët fitues të primareve, do të regjistrohen në zgjedhjet e pjesshme vendore në një koalicion me LSI-në që do të quhet “Shtëpia e Lirisë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje